Poslovne vijesti - Makedonija

Почна бербата на грозје во Тиквешко

Во Тиквешкиот регион почна бербата на првите висококвалитетни сорти грозје. Дел од винарските визби ги објавија цените по кои ќе се откупува родот.

За шардоне, зависно од шеќерните единици, цената може да достигне 17,05 денари, а темјаниката ќе оди од 9,02 до 12,6 денари за килограм. За бургундец визбите ќе даваат 13,2 денари, а за траминец 16,5 денари.

Советот на општина Неготино пак, апелира до винарските визби кои го немаат доисплатено ланското грозје тоа да го сторат тоа во најкус можен рок и целосно да го почитуваат Законот за откуп на земјоделски производи при годинашниот гроздобер.